急轉直下 ICU...

2009 年諸事不順, 3月12日, 食醫生開既感冒藥, 引致藥物感敏, 心跳攀升至 200!!

從未強烈感受過心臟既存在, 呢次, 我感受到, 佢既活潑, 令我渾身是汗!!

最恐怖係醫院急症室既姑娘, 幫我做完心電圖之後, 就衝出去向同事們說 "呢個唔掂呀! 叫馬醫生落嚟, 要即刻上 ICU 呀!!" 我既心跳即時有反應, 好似連向病人交待病情既時間都嫌浪費既咁!

都幾搞笑, 從來都未試過入醫院過夜, 但一入就入 ICU, 心想 : 就算有咩事, 都可以轟轟烈烈掛!!!

好怕打針吊鹽水, 今次, 一次過試晒, 打針, 抽血, 又吊心臟藥水!!

本來已經十分疲累既我, 都唔理手上面開了既小洞, 亦都唔理身邊有部心跳監測機, 只係想瞓! 可惜, 血壓計竟然可以每半小時自動啟動, 救命呀!!!!

真係估唔到一粒小小既藥丸, 竟然威力咁大呀!!

The Whispering Game & 5-Yrs of b.wing 2004-2008

<開卷派對> ...7 Mar 2009

終於見到 b.wing 喇! 有少少緊張添...;P

其實派對既形式好輕鬆, 二十幾位朋友左右, 主要係 b.wing 同大家分享佢既創作經驗, 亦都可以比我地了解一吓, 佢既生活同成長背景, 同時, b.wing 都係第一次接觸大家, 從活動中, b.wing 可以了解大家對 "A" 仔既感覺, 每位朋友甚至可以講述自己既成長故事, 生活點滴!

原來站在人群, 面對一班陌生既朋友, 講述自己既感覺, 都幾有趣!!

薄皮既我, 同大家分享完感受後, b.wing 仲送左一個 "A" 仔既環保袋比我添呀!! 仲係得我一個有獎品咋! 開心到暈左呀!!

中國的動物突然矜貴起來!

早幾天閱讀報紙, 有一則散文令我久久不能忘懷!

俗語云 <天上飛, 地上爬, 水裡游>, 只要背脊向天, 廣東人總有辦法弄上餐桌! 十二生肖中, 除了龍, 都可做成不同菜式, 連猴子, 也可置於桌面, 把猴頭的天靈蓋敲開, 品嚐還在跳動的腦漿! 慘不忍睹的虐殺, 也鮮會有人抗議!

但, 最近中國人好像轉了性, 突然關心起動物來! 兩個圓明園的動物頭像, 就牽動了千千萬萬中國人的心!

在上月二十六日巴黎佳士得拍賣會前, 中國外交部嚴厲警告佳士得: "拍賣戰爭中非法掠奪的文物不僅傷害中國人民的感情, 損害中國人民的文化權益, 而且有悖國際公約"! 中國律師團入稟巴黎法庭, 最後敗訴!

峰迴路轉, 一個廈門商人以二千八百萬歐元投得兩個銅像, 但他不會付款! 這種干擾拍賣行為, 卻在國內嬴得無數掌聲, 難道打著 <愛國> 之名, 就可以不擇手段, 任意妄為?

與其崇拜動物銅像, 倒不如愛惜動物, 嚴懲濫殺更有意義! 更可笑的是, 報紙提及國內專家指出, 這些圓明園銅像, 手工再精美也不過兩百多年歷史, 而且是由外國人負責打造, 藝術價值不會太高!

今天中國人的不擇手段, 也只不過是動物文物被貼上太多政治符號, 藏著太多國仇家恨, 歷史屈辱而已!!

一則令我安慰的事...

今天早上, 終於收到了 2009 年唯一一個好消息了! 女同事告訴我一個喜訊 - 她懷孕了!!

連忙向她祝賀, 還將自己從朋友口中得悉有關懷孕後要小心的種種, 傾巢而出的向她匯報! 哈哈! 真傻!

正當我們討論得如火如荼之際, 女同事突然面有難色, 原來擔心上司知道後, 換來的是不堪入耳的說話! 女同事的擔憂不是沒有理由的, 以往某上司就是對懷孕的女同事送上:

"吓! 唔係嘛..."

"您唔係搞啲咁既嘢呀?"

甚至有剛懷孕的女同事從某上司的房間哭著出來!

女同事怕上司的反應, 怕他的反應影響自己的情緒, 怕以後的日子更難熬! 女同事即將擁有十週的產假, 老板們一定不悅! 金融海嘯效應? 令人很不耐煩的理由, 恍惚任何事, 總要跟這四個字扯上關係! 討厭!

但, 我相信<性本善>, 我相信罪大惡極的人也有令他惻隱的小角, 再罪該萬死的人也有背後不為人知的隱憂! 何況, 早幾年已為人父的老板呢! 雖然他平時對我們工作上的苛刻, 以及那些不顧下屬感受的 "教誨", 不知令我灰心了多少次! 但我還是相信人的本性, 至少以我共他相處接近九年的時光, 我相信他不會這麼沒有人性吧! 老板, 為我爭爭氣呀!

我努力遊說女同事不要憂慮, 可惜, 還是沒有說服力! 女同事還是戰戰兢兢地送出電郵通知老板算了, 希望可以逃避令她不安的說話, 神情!

不知為什麼, 自己也有點緊張, 這事好像突然提升至異常嚴肅的層面, 好像怕自己的信念毀於一旦! 將來還怎樣面對 <性本善> 這個課題?

感謝天, 感謝地, 感謝什麼也好! 老板突然跑到女同事的房間, 聽到他向女同事道賀, 還叮囑她保重身體! 我聽得出他的語氣是親切的, 是由衷的!!

鬆了一口很沉重的氣, 不是因為可以給女同事一個証明, 証明我有多了解我的老板, 背後的意義重大得多了!

那一刻, 留在座位上, 不敢動, 又要等眼睛回復原狀了!

老板, 多謝您! 從未如此覺得您這樣可愛呀!!

與 "A" 的約定...

好開心, 好期待呀!! 今個 Sat 就係 <開卷派對> 喇! 仲可以見到創作者 b.wing 添!

買飛時已經有本 "A" 既明信片喇, 好靚仔呀!!!!!

多謝衰仔!!