大家仲記唔記得細嗰去買鞋，喺舖頭櫥窗揀款，講個號碼比售貨員知，先坐低試鞋架?
點解好似好懷念嗰陣嘅時光?
細嗰果陣冇富裕嘅生活，冇好似而家方便到唔需要接觸人嘅科技，同隔離屋班友仔玩九層樓捉迷藏，好似開心過而家一個人玩LINE RANGERS咁，跟屋企人去一次澳門玩，興奮過而家去日本，以前住屋村上門賣嘅豆腐花，好似好食過分子雪糕嘅。
點解嗰陣好似好開心咁?
究竟，我哋係進步緊吖? 定係退步緊呀?
2014年8月22日星期五
好黑的狗
到今日為止，我仲唔係幾相信列車撞死狗係事實。
2014年喇，我哋唔係以為自己好“文明”嘅咩?我哋唔係好尊重生命嘅咩?人人都講緊要做善事、諗緊點樣回饋社會，NGO、慈善團體就一大籮，口裡面人人都好識講道德，原來愈缺乏某一種特質，就愈需要巧立名目、故弄玄虛咁整一大堆神主牌鎮住大家嘅神經，令大家都信自己好“文明”。唔怪之得土共同特衰政府感受到有咩危機，就一日到黑LOOP住果句:「我哋一定會依法辦事。」
見唔到而撞死，係一件意外，見到而依然開車撞死，你哋話返俾我知係咩一回事?
同一件事，一個錯誤嘅決定，足以由載舟變為覆舟。再現實攻利啲咁諗，當日如果港鐵堅持暫停列車，由港鐵職員將狗隻救返上月台，你估今日喺網絡瘋傳嘅，又係一個咩景象?明明係一個可以嬴取掌聲嘅好機會，冇危機感冇公關手腕嘅港鐵，又再一次將自己推到一個萬劫不復嘅境地，什麼企業責任、關愛社區、用心聽用心做，算把啦! 你只係不停咁揭起個肚皮俾人知你有幾蠢咋…
訂閱：
留言 (Atom)