知識改變命運，同樣地，態度都可以改變人嘅際遇。
見識過好多例子，讚佩人如何面對逆境，改變角度，勇敢面對，將壞事嘅破壞力減到最低，絕處再逢生。
尋日我親眼見証住一個人因為態度問題，點樣將本來遇到嘅一件好事、喜事而闖下一個禍，仲要係一個幾羞家嘅禍。
我真係好唔明白，點解總係有人為咗啲雞毛蒜皮嘅利益，會呼天搶地，而面對大事大非，社會需要佢嘅時候，就視而不見。
我唔明，我估我一世都唔明，就正如佢唔明我一樣。
我不屑你所謂嘅賺到盡，我只在乎喺現實到發嗅嘅社會裡僅有嘅人情味。
就算可以俾我再揀，揀一萬次我都寧願做返我自己，我知付出一定會比收到嘅多，但我仍然肯定，仲係好好好肯定。
Picture by Wing
沒有留言:
發佈留言