情人節

Certified :

1.    我有節日恐懼症。覺得愈係普天同慶嘅日子，愈似有不祥嘅事發生。好嚴重嘅童年陰影。

2.    我唔明點解，今日個個都咁興奮？點解個個一窩蜂去做埋晒啲平時根本冇興趣做嘅事。隨俗？真係得啖笑。

3.    點解一定係要男人約女人？明明想約嗰個男仔，又唔開口問，唔係更有效率地令件事清晰啲咩？曖昧，只係殘酷真相嘅包裝紙嚟o架咋。

4.    我應該有暴力傾向。我聽到一個故事，男朋友送網球拍比女朋友做禮物，女朋友話唔知點同佢自己既朋友交待。我不自覺地想扯巴佢(女仔)嘆。

5.    想收咩情人節禮物？我哋一早有默契，唔需要喺節日特別去買一份禮物比對方。有需要，平時見到啱嘅，已經送咗。為應節而買嘅，通常都好快變廢物。我哋冇情趣？情趣可以遍佈一年三百六十四日，好過你哋得一日。

掃興精加嚕囌王嘅混合體，有幾恐怖？放心，旱有病例，你哋好難遇到。

我今晚做咩？同另一半，放工去書店，買兩本應承左送比人嘅書，再一齊去嘆碗魚蛋粉，之後返屋企。好慘？做戲比人睇咩？自己知自己幸福就夠啦！

睇完好想like，但忍左收返？唔緊要，在心中。哈哈！